Gipuzkoako Lurralde Historikoaren Jarduera Berritzailearen Dinamizazioa

ZER DA BERRITZEN?

Gero eta konplexutasun eta dibertsitate handiagoa ezaugarritzat duen testuinguru ekonomiko berri honen aurrean, eta gure lurraldea Europako lurralderik lehiakorrenetan kokatzeko helburu handizalea kontsideratuz, honetarako 2010 urterako BPG-aren %3 I+G-ra bideratu behar dela estimatzen delarik, Gipuzkoako Foru Aldundiko Berrikuntza eta Ezagutzaren Gizarteko Sailetik gure enpresen lehiakortasuna hobetzeko helburua duten ekimen ezberdinak bultzatzen ari dira. Testuinguru ekonomiko globalizatuan kokatzen den erronka honi aurre egiteak, beste gauza batzuen artean, jarduera berritzailearen Dinamizazioa, arlo honetan diharduten agente ezberdinen arteko kohesioa eta I+G+B-rako saiakeren gehikuntza suposatuko du

Gipuzkoa 2020 Hausnarketa Estrategikoan sortutako “Gipuzkoa Berritzailea” agertoki handizalerantz aurrera egiteko Gipuzkoa BERRITZEN ekimena martxan jarri da Gipuzkoako lurralde historikoko I+G+B arloan garrantzitsuak diren agente guztiak parte hartzen duten topalekua izateko asmoarekin.

Helburuak

Azken helburua Gipuzkoako I+G+B-n inbertitzeko ahaleginen itzulerak hobetzeko jarduerak proposatzea da, jarduera horien gauzatzearekin partehartzaileen aldetik konpromezu bat sortuz: Berrikuntzarako eta Ezagutzaren Gizarterako Sailak bere programak birformulatuko ditu prozesu honen arabera.

Prozesua hausnarketarekin hasiko da eta inplikatutako agente ezberdinak lehentasunezko ekintza-neurrien identifikaziora bideratuko da. Prozesua HIRU Arlo Tematikotan kontzentratuko diren lan-mahaietan egituratuko da:

Hiru arlo tematikoak

Prozesuan emaitza hobeak lortzeak hobekuntzarako ekintzak eta ekintza konpromezuak definitzea eskatzen du honakoei dagokienean:

• Berrikuntza sistema: osatzen duten agenteak eta beraien erlazioak.
• Enpresa gipuzkoarraren orientazioa eta gaitasun berritzailea , berrikuntza prozesuko azken agente bezala.
• Berrikuntzarekin espero diren emaitzen planteamendua bera, ezarritako helburuak eta erabilitako neurketa modua.

Prozesua

Arlo tematiko bakoitzean:

1. Oinarrizko txosten bat garatuko da, Testuinguruaren Azterketarekin koherentea izango dena eta Lan-Mahaien diagnostiko eta hausnarketarako elementu gisa balioko duena.
   
2. Lan-Mahai bat eratuko da
• Ekintzarako neurri zehatzak proposatzeko arduradunek osatua. Arduradun hauek Gipuzkoako Berrikuntza Sistema osatzen duten elkarteek aukeratuko dituzte pertsonalki.
• Lan-Mahaiak oinarrizko txostenean proposatutako diagnostikoa hobetuko du, baina batez ere arduratuko den lehentasunezko ekintza neurrien proposamenean arituko da, beharrezko baldintzak zehaztuz.

Kudeaketa, koordinazioa eta dinamizazioa

Ekimena IK-4 (Tekniker eta Ikerlan) eta Deustuko Unibertsitatearen bitartez koordinatzen eta dinamizatzen ari da.

© 2004 Berrikuntzarako eta Jakintzaren Gizarterako Departamentua · Gipuzkoako Foru Aldundia